नशिराबाद जिल्हा परिषद उर्दु मुलांची आदर्श शाळा न.1 येथे स्वतंत्र दिन सोहळा साजरा

नशिराबाद/प्रतिनिधी/पोलीस दक्षता लाईव्ह:- नशिराबाद उर्दु शाळा नं 1 येथे स्वातंत्र्य दिनाचा कार्यक्रम मोठ्या उत्साहात पार पडला. जिल्हा परिषद उर्दु कन्या शाळा न.1 नशिराबाद शाळेतील व्यवस्थापन समितीचे अध्यक्ष सय्यद उमर अली आणि प्रसिद्ध सामाजिक कार्यकर्ते सय्यद बरकत अली युसुफ अली यांच्या हस्ते ध्वजारोहण करण्यात आले. प्रमुख पाहुणे अमजद खान, निसार भाई, अनवर मौलाना, गावकरी आणि पालक वर्ग उपस्थीत होते.स्वातंत्र्य दिनानिमित्त शाळेमध्ये विविध स्पर्धा आयोजित करण्यात आल्या होत्या त्यामध्ये भाषण स्पर्धा आणि देशभक्ती गीत स्पर्धा मध्ये अनेक विद्यार्थ्यांनी सादरीकरण केले. विविध स्पर्धेमध्ये उत्कृष्ट कामगिरी करणाऱ्या विद्यार्थ्यांना कार्यक्रमाचे प्रमुख पाहुने सय्यद बरकत अली यांच्या हस्ते पुरस्कार व भेट वस्तू वितरित करण्यात आले. उर्दु शाळेतील सर्व मुख्याध्यापक सुलताना बी, मुबारक बेगम, जहीर खान, अख्तर जहाँ आणि सर्व शिक्षक उपस्थीत होते. कार्यक्रम यशस्वीेतेसाठी अब्दुल रऊफ सर आणि एजाज सर यांनी विशेष परिश्रम घेतले. कार्यक्रमाचे सूत्रसंचालन मुश्ताक अहमद यांनी केले. आणि सर्वात शेवटी सर्व उपस्थित विद्यार्थ्यांना खाऊ वाटप कार्यक्रम पार पडला. कार्यक्रमाच्या शेवटी आभार प्रदर्शन करण्यात आले व देशभक्ती गीत गात घोषणा देऊन कार्यक्रमाची सांगता करण्यात आली.