पाच आरोपींना अटक, एक विधिसंघटित बालक ताब्यात ; १.३३ लाखांचा मुद्देमाल जप्त
जळगाव | प्रतिनिधी | पोलीस दक्षता लाईव्ह :- मुक्ताईनगर व वरणगाव परिसरात घडलेल्या सशस्त्र दरोड्याच्या गुन्ह्याचा तपास अल्पावधीत उघडकीस आणत स्थानिक गुन्हे शाखा, जळगाव पोलिसांनी मोठे यश मिळवले आहे. पोलिसांनी तब्बल ५ आरोपींना अटक तर एक विधिसंघटित बालकाला ताब्यात घेतले असून त्यांच्या कडून रोख रक्कम, मोबाईल फोन, पिस्तुल व सीसीटीव्ही डीव्हीआर असा एकूण ₹१,३३,५००/- किंमतीचा मुद्देमाल जप्त करण्यात आला आहे.
दरोड्याची घटना :
दि. ९ ऑक्टोबर २०२५ रोजी रात्री १० ते ११ वाजेच्या दरम्यान, मुक्ताईनगर तालुक्यातील बोदवड चौफुली जवळील रक्षा टोफ्युअल (भारत पेट्रोलियम), कक फाटा येथील मनुभाई अशिर्याद पेट्रोल पंप, तसेच वरणगाव शिवारातील तळवेल फाटा येथील सय्यद पेट्रोल पंप या तीन ठिकाणी ५ ते ६ अज्ञात इसम मोटारसायकलवर आले. त्यांनी बंदुकीचा धाक दाखवून रोख रक्कम, मोबाईल फोन व सीसीटीव्ही डीव्हीआर असा एकूण ₹१.३३ लाखांचा माल जबरदस्तीने लुटला. या प्रकरणी मुक्ताईनगर पोलीस ठाण्यात गु.र.नं. ३१६/२०२५ भा.दं.वि. कलम ३९७ प्रमाणे गुन्हा नोंदवण्यात आला.
वरिष्ठ पोलिसांचा तपासाचा धडाका…
घटनेची माहिती मिळताच पोलीस अधीक्षक डॉ. महेश्वर रेड्डी, अपर पोलीस अधीक्षक अशोक नखाते, तसेच उपविभागीय पोलीस अधिकारी संदीप गावीत यांनी तात्काळ घटनास्थळी धाव घेऊन तपासाला गती देण्याचे आदेश दिले. वरिष्ठ पोलीस निरीक्षक राहुल गायकवाड (स्थानिक गुन्हे शाखा, जळगाव) यांच्या नेतृत्वाखाली पो.उ.नि. शरद बागल, सोपान गोरे, शेखर डोमाळे, जितेंद्र बल्टे, तसेच थे.पो.उ.नि. रवी नरवडे यांच्या समवेत पाच तपास पथके गठीत करण्यात आली. या पथकांनी चार दिवस सलग तांत्रिक माहिती, सीसीटीव्ही फूटेज आणि स्थानिक खबर्‍यांच्या मदतीने मुक्ताईनगर ते नाशिकपर्यंत शोधमोहीम राबवली. अखेर चार आरोपी नाशिकमधून तर एक आरोपी व एक विधिसंघटित बालक अकोलामधून ताब्यात घेण्यात आले.
अटक आरोपींची नावे…
1️⃣ सचिन अरविंद भालेराव (वय ३५, रा. भुसावळ, मूळगाव खकनार, ता. खकनार, जि. बुरहानपूर, मध्यप्रदेश) भुसावळ बाजारपेठ पो.स्टे. येथे खुनाचा प्रयत्न व दंगा या गुन्ह्यांत पूर्वी आरोपी. सन २०२४ मध्ये महाराष्ट्र पोलीस कायदा कलम ५५ अन्वये दोन वर्षे जळगाव जिल्ह्यातून हद्दपार.
2️⃣ पंकज मनीन गावडकाव, वय २३ वर्षे, रा. वर्डा माता मंदिर, जुना माळार रोड, भुसावळ.
3️⃣ हर्षल अनिल वाकचौरे, वय २३ वर्षे, रा. चांदपूर, ता. चांदपूर, जि. अकोला.
4️⃣ चंद्रकांत अनिल वाकचौरे, वय २३ वर्षे, रा. चांदपूर, ता. चांदपूर, जि. अकोला.
5️⃣ प्रदीप दिनेश विटारट, वय १९ वर्षे, रा. प्रगती नगर, अकोला.
एक विधिसंघटित बालक
जप्त केलेला मुद्देमाल…
अनुक्रमांक जप्त माल अंदाजे किंमत…
१) ₹५०,००० रोख रक्कम ₹५०,०००
२) ३ गावठी पिस्तुल ₹३०,०००
३) ५ मॅगझिन ₹१०,०००
४) २० जिवंत काडतुसे ₹१५,०००
५) ९ मोबाईल फोन ₹२५,०००
६) सीसीटीव्ही डीव्हीआर व इतर साहित्य ₹३,५००
एकूण किंमत: ₹१,३३,५००/-
पोलिसांचे उल्लेखनीय सहकार्य…
ही कारवाई पोलीस अधीक्षक डॉ. महेश्वर रेड्डी, अपर पोलीस अधीक्षक अशोक नखाते, उपविभागीय अधिकारी संदीप गावीत यांच्या मार्गदर्शनाखाली करण्यात आली. कारवाईत वरिष्ठ पोलीस निरीक्षक राहुल गायकवाड, पो.उ.नि. शरद बागल, सोपान गोरे, शेखर डोमाळे, जितेंद्र बल्टे, थे.पो.उ.नि. रवी नरवडे यांच्यासह स्थानिक गुन्हे शाखा व बाजारपेठ पोलिस स्टेशनचे अनेक अधिकारी-अंमलदारांचा सहभाग होता.
पुढील तपास…
सर्व आरोपींना मुक्ताईनगर पोलिसांच्या ताब्यात देण्यात आले असून पुढील तपास मुक्ताईनगर पोलीस स्टेशनमार्फत सुरु आहे.
