नाशिक/प्रतिनिधी/पोलीस दक्षता लाईव्ह:- महाराष्ट्रात अपघातांची मालिका सुरूच आहेत.नाशिक जिल्ह्यातून भीषण अपघाताची घटना समोर आली आहे. सप्तश्रृंग गडावरून खामगावला जाणाऱ्या एसटी बसला भीषण अपघात झाला आहे. प्रवाशांना घेऊन जाणारी बस सप्तश्रृंगी घाटातील दरीत कोसळली. या घटनेत एका प्रवाशाचा मृत्यू झाला असून १८ ते २० प्रवासी जखमी झाल्याची माहिती आहे. जखमींना तातडीने उपचारासाठी रुग्णालयात दाखल करण्यात आलं आहे. बुधवारी पहाटेच्या सुमारास ही दुर्घटना घडली आहे.
मिळालेल्या माहितीनुसार, खामगाव आगाराची बस सप्तश्रृंग गडावरून खामगावला जाण्यासाठी निघाली होती. या बसमधून २० ते २५ प्रवासी प्रवास करीत होते. वणी गड उतरत असताना गणपती पॉईंटजवळ चालकाचे बसवरील नियंत्रण सुटले. यानंतर बस थेट दरीत कोसळली. या दुर्घटनेत एका प्रवाशाचा मृत्यू झाला असून १८ प्रवासी जखमी झाल्याची माहिती आहे. घटनेची माहिती मिळताच स्थानिकांसह पोलिसांनी तातडीने घटनास्थळी धाव घेत बचावकार्य सुरू केलं. जखमींना तातडीने उपचारासाठी रुग्णालयात दाखल करण्यात आलं आहे. दरम्यान, या घटनेनंतर नाशिकचे पालकमंत्री दादा भुसे यांनी मदतीच्या सूचना दिल्या आहेत. वणी घाटात एसटी बस अपघात झाला आहे. त्याची माहिती घेतली आहे. संबंधीत यंत्रणेला सर्वोतपरी मदतीच्या सूचना दिल्या आहेत. बस अपघातातील जखमींना जवळच्या शासकीय रुग्णालयात उपचारासाठी दाखल केले आहे. त्यानुसार खामगाव डेपोची बस असून त्यातील १८ प्रवासी जखमी आहेत. रुग्णालयात जाऊन मंत्री दादा भुसे यांनी भेट देऊ चौकशी केली.घटनास्थळी मोठी गर्दी झाली होती.
