पाचोरा/प्रतिनिधी/पोलीस दक्षता लाईव्ह:- तालुका विधी सेवा समिती पाचोरा व तालुका वकील संघ, पाचोरा यांचे संयुक्त विद्यमाने बालिका दिनाच्या अनुषंगाने ” बेटी बचाओ.. बेटी पढाओ ” या अभियानांतर्गत भव्य दिव्य रँलीचे आयोजन करण्यात आले होते. यावेळी न्यायाधीश जी. बी.औंधकर, न्यायाधीश एम. जी. हिवराळे, तालुका वकील संघाचे अध्यक्ष अँड.प्रविण पाटील, विधिज्ञगण, समस्त न्यायालयीन सहकारी बंधू-भगिनी, गो.से. विद्यालयाच्या मुख्याध्यापक प्रमिला वाघ, विद्यालयाचे शिक्षक तथा शिक्षेकेतर कर्मचारी, समस्त विद्यार्थी-विद्यार्थीनी उपस्थित होते. न्यायाधीश जी.बी.औंधकर यांनी हिरवी झेंडी दाखवून रँलीची सुरुवात केली. ” बेटी बचाओ.. बेटी पढाओ ” यावर आधारित घोषवाक्यांच्या गजराने अवघे पाचोरा शहर दुमदुमले. शहरातील राजे छत्रपती शिवाजी महाराज चौकात गो.से. विद्यालयाच्या विद्यार्थिनींनी भ्रूणहत्येवर आधारित भावस्पर्शी पथनाट्य सादर करून उपस्थितांची मने जिंकली.
बेटी बचाओ.. बेटी पढाओ… घोषवाक्यांनी निनादले पाचोरा शहर….!
