जळगाव/पोलीस दक्षता लाईव्ह टीम:- जळगाव तालुका परिसरात सध्या घरफोड्या, भुरट्या चोऱ्या व जबरी चोऱ्या वाढल्या आहेत. चोरटे संधी साधून मुद्देमाल लंपास करत आहेत.
जळगाव तालुक्यातील नशिराबाद गावाजवळील राष्ट्रीय महामार्गनजीक असलेल्या शिवशक्ती कार बाजार येथील रोडच्या कडेला उभ्या असलेल्या ट्रकमधून ४ लाख ४८ हजार ४२० रूपये किंमतीचे गोडे तेलाचे डबे चोरून नेल्याची घटना गुरूवारी ५ ऑक्टोबर रोजी मध्यरात्री १ वाजेच्या सुमारास उघडकीला आले आहे.याप्रकरणी अज्ञात पाच जणांविरोधात नशिराबाद पोलीस ठाण्यात गुन्हा दाखल करण्यात आला आहे.
याबाबत अधिक असे की, जळगाव तालुक्यातील नशिराबाद गावानजीक असलेल्या शिवशक्ती कार बाजारच्या बाजूला गोडे तेलाचे डबे भरून आणलेला आयशर ट्रक क्रमांक (एमएच ३० बीडी १३४९) हा रोडच्या बाजूला बुधवारी ४ ऑक्टोबर रोजी रात्री साडेदहा वाजता पार्किंगला लावून चालक संतोष देवीदास डाबेराव (वय-४५) रा. बल्लभनगर, आकोला आणि क्लिनर अंकित रवी शिरसाळे हे झोपले होते. गुरूवारी ५ ऑक्टोबर रोजी मध्यरात्री १ वाजेच्या अज्ञात पाच चोरट्यांनी त्यांनी आयशर ट्रकमध्ये असलेला तेलाचे डबे असा एकूण ४ लाख ४८ हजार ४२० रूपये किंमतीचा मुद्देमाल दुसऱ्या ट्रकमध्ये भरला. त्यावेळी क्लिनर अंकित शिरसाळे याला जाग आल्याचे लक्षात आल्यानंतर अज्ञात पाच चोरट्यांनी चोरी केलेला मुद्देमाल दुसऱ्या ट्रकमध्ये भरून घेवून पसार झाले. त्यानंतर चालक संतोष डाबेराव यांनी नशिराबाद पोलीस ठाण्यात धाव घेवून तक्रार दिली. त्यांनी दिलेल्या तक्रारीवरून अज्ञात चोरट्यांविरोधात गुन्हा दाखल करण्यात आला आहे.
पुढील तपास पोलीस हेड कॉन्स्टेबल युनूस शेख करीत आहेत.
