चांदवड/ प्रतिनिधी/ पोलीस दक्षता लाईव्ह:- तालुक्यातील प्रत्येक जिल्हा परिषद गटातील गावांमध्ये चांदवड देवळा मतदार मतदारसंघात झंझावती प्रचार दौरे सुरू असून कार्यकर्त्यांचा उदंड प्रतिसाद लाभत असून माता भगिनी औक्षण करून तसेच ज्येष्ठ नागरिक आशीर्वाद देत आहेत. चांदवड देवळा मतदार संघात गेल्या दहा वर्षापासून राहुल आहेर प्रतिनिधित्व करत असून यावर्षी पदाधिकारी कार्यकर्ते यांनी राहुल आहेर यांना हॅट्रिक करून तिसऱ्यांदा विधानसभेत पाठविण्याचा निर्धार केलेला आहे.
या मतदारसंघात राहुल आहेर यांनी गेल्या दोन पंचवार्षिक भरघोस निधी आणला असून जलसंपदा तसेच रस्ते, देवस्थान या ठिकाणी भरघोस कामे केलेली आहेत अनेक ठिकाणी जेथे जाण्यास रस्ते नव्हते तेथे रस्ते उपलब्ध करून दिले आहेत विशेष तीर्थक्षेत्र जसे की श्रीक्षेत्र कुंडाने, चंद्रेश्वर महादेव मंदिर चांदवड अशा अनेक ठिकाणी त्यांनी धर्मशाळा, सभामंडप अशा प्रकारचे विकास कामे केलेली आहेत. आत्ता राहुल आहेर यांनी जनतेला शब्द दिला आहे की पुनश्च संधी दिल्यास नारपारसाठी मी प्रयत्नशील राहील. उद्या दिनांक 10 नोव्हेंबर 2024 रोजी दुगाव गटाचा प्रचार दौरा राहुल आहेत करणार असून कार्यकर्ते जोमाने काम करीत आहेत.
