जळगाव | प्रतिनिधी | पोलीस दक्षता लाईव्ह :- नुकताच जळगाव जिल्हा ग्राम महसूल अधिकारी संघटना व जळगाव जिल्हा तलाठी पतपेढी सोसायटी यांच्या संयुक्त विद्यमानाने गुणवंत पाल्य गुणगौरव सत्कार सोहळा मोठ्या उत्साहात संपन्न झाला. दि.१४ सप्टेंबर रविवार रोजी तलाठी भवन, जळगाव येथे आयोजित या कार्यक्रमाच्या अध्यक्षस्थानी जळगाव जिल्हाधिकारी माननीय आयुष्य प्रसाद साहेब होते. प्रमुख अतिथी म्हणून जळगाव जिल्हा ग्राम महसूल अधिकारी संघटनेचे अध्यक्ष आर. डी. पाटील, सचिव निशिकांत माने, जळगाव जिल्हा तलाठी पतपेढीचे चेअरमन राजेश भंगाळे, संचालक मंडळातील सदस्य व जिल्हा संघटनेचे सर्व पदाधिकारी उपस्थित होते.
कार्यक्रमात जिल्हाधिकारी आयुष्य प्रसाद साहेब यांनी उपस्थितांना आर्थिक नियोजनाबाबत मार्गदर्शन केले. तसेच शैक्षणिक गुणवत्तेसोबतच खेळ, संगीत, कला व इतर विविध क्षेत्रांत आपल्या पाल्यांना उत्तम शिक्षण व संधी कशा प्रकारे देता येतील याबाबत सखोल मार्गदर्शन केले. यावेळी पतपेढीच्या वाटचालीसही हार्दिक शुभेच्छा दिल्या. जिल्हाभरातून संघटना व पतपेढीचे सभासद मोठ्या संख्येने उपस्थित होते. गुणगौरव सत्कार सोहळ्यानंतर पतपेढीची विसावी सर्वसाधारण सभा सजीव वातावरणात व खेळीमेळीने भरली. चेअरमन राजेश भंगाळे यांनी वार्षिक अहवाल वाचन करून सभासदांना माहिती दिली.
कार्यक्रमाचे सूत्रसंचालन संचालक सचिव श्री. रुपेश ठाकूर यांनी केले, तर आभार प्रदर्शन संचालक श्री. यासीन तडवी यांनी मानले. कार्यक्रमाच्या यशस्वीतेसाठी कर्मचारी आनंद इंगळे व जगदीश बिराडे यांनी विशेष परिश्रम घेतले.
