जळगाव/ प्रतिनिधी/ पोलीस दक्षता लाईव्ह:- जळगावच्या परधाडे रेल्वे स्थानकानजीक एक्सप्रेसला आग लागण्याच्या भीतीने अत्यंत मोठी दुर्घटना घडल्याची माहिती मिळत आहे. पुष्पक एक्सप्रेसमधून गाडीला आग लागल्याच्या भीतीने प्रवाशांनी उड्या मारल्या, मात्र त्याच वेळेस समोरून येणाऱ्या बंगळुरू एक्सप्रेसने अनेकांना उडवल्याचे वृत्त आहे. या अपघातात अनेकांचा मृत्यू झाल्याची भीती व्यक्त करण्यात येत असून या भीषण अपघाताने जळगावमध्ये एकच खळबळ माजली आहे.
मृतांच्या वारसांना ५ लाख रुपये आर्थिक सहाय्य ; मुख्यमंत्री देवेंद्र फडणवीस
जळगाव जिल्ह्यातील पाचोरानजीक एका अत्यंत दुर्दैवी घटनेत मृत्युमुखी पडलेल्यांना मुख्यमंत्री देवेंद्र फडणवीस यांनी भावपूर्ण श्रद्धांजली अर्पण केली आहे. संपूर्ण जिल्हा प्रशासन रेल्वे प्रशासनासोबत समन्वयाने काम करीत आहे. या अपघातातील मृतांच्या वारसांना ५ लाख रुपये आर्थिक सहाय्य राज्य सरकारतर्फे करण्यात येईल आणि जखमींचा संपूर्ण खर्च सुद्धा राज्य सरकार करेल- मुख्यमंत्री
