जळगाव/प्रतिनिधी/पोलीस दक्षता लाईव्ह:- जळगावात एका तरुणावर धारदार शस्राने वर करून जखमी केल्याची घटना घडली आहे. चिकन घेण्यासाठी जात असलेल्या पवन अशोक कोळी (वय ३०, रा. डीएनसी कॉलेजवळ, जळगाव) या तरुणावर जून्या वादातून तिघांनी धारदार शस्त्राने वार केल्याची घटना रविवारी कांचननगर परिसरात घडली.या घटनेत तरुण गंभीर जखमी झाला आहे. त्याच्यावर खासगी रुग्णालयात उपचार सुरु आहेत.
अधिक अधिकृत माहिती अशी की, शहरातील डीएनसी महाविद्यालयाजवळ पवन अशोक कोळी हा आपल्या कुटुंबियांसह वास्तव्यास आहे. रविवारी ३ सप्टेंबर रोजी सायंकाळी ७ वाजेच्या सुमारास पवन हा कांचनगर परिसरात चिकन घेण्यासाठी दुचाकीने जात होता. याचवेळी तीन तरुणांनी त्याच्यासोबत वाद घातला आणि त्याला जोरदार मारहाण केली. या वादाचे रुपांतर हाणामारीत झाले. एकाजणाने पवनवर धारदार शस्त्राने वार केले. यामध्ये पवन हा गंभीर जखमी झाला आहे.त्याला लागलीच काही जणांनी दुचाकीवरुन शासकीय वैद्यकीय महाविद्यालय आणि रुग्णालयात दाखल केले. याठिकाणी प्राथमिक उपचार झाल्यानंतर पवनला खासगी रुग्णालयात दाखल करण्यात आले आहेत. त्याच्यावर याठिकाणी उपचार सुरु आहेत. या घटनेत पवनच्या वाहनाचे नुकसान देखील करण्यात आले आहे. याप्रकरणी रात्री उशिरापर्यंत पोलिसात नोंद करण्याचे काम सुरु होते.या घटनेमुळे परिसरात खळबळ उडाली आहे. पुढील तपास पोलीस करत आहेत.
