जळगाव/ प्रतिनिधी/ पोलिस दक्षता लाईव्ह :- जळगाव येथे रविवारी ११ मे रोजी सायंकाळी मोबाईल चार्जिंगला लावण्यासाठी रेल्वे स्थानक परिसरातील पानटपरीवर गेलेल्या मुलाला चोर म्हटल्याने त्याचा जाब विचारल्याने डोक्यात थेट भजे तळण्याचा झारा मारल्याची घटना घडली असून याबाबत दोन जणांविरुद्ध शहर पोलिस ठाण्यात गुन्हा दाखल करण्यात आला आहे.
सविस्तर वृत्त असे की, गेंदालाल मिल परिसरातील रहिवासी विशाल मोरे यांचा मुलगा ११ मे रोजी रात्री रेल्वेस्थानक परिसरातील एक पानटपरीवर मोबाईल चार्जिंगला लावण्यासाठी गेला असता तेथे त्याला तुम्ही चोर आहे, असे दोन जणांनी म्हटले. त्याविषयी मोरे यांनी जाब विचारला. त्याचा राग आल्याने दोन जणांनी त्यांना शिवीगाळ करीत भजे तळण्याचा झारा डोक्यात मारला. यामुळे विशाल भाऊसाहेब मोरे (३०, रा. गेंदालाल मिल) यांना दुखापत झाली. या प्रकरणी शहर पोलिस ठाण्यात दिलेल्या फिर्यादीवरून दोन जणांविरुद्ध गुन्हा दाखल करण्यात आला आहे. पुढील तपास पो.हे.कॉ. रवींद्र पाटील करीत आहेत.
