“नेमिनाथ भगवान की जय… अहिंसा परमो धर्म की जय…” जयघोषाने नगरभर गजरला उत्सवाचा मोहिमेचा वातावरण
नशिराबाद | प्रतिनिधी | पोलीस दक्षता लाईव्ह :- नशिराबाद नगरीत गुरूवार, श्री १००८ भगवान नेमिनाथ यांच्या ९० व्या वार्षिक रथयात्रा उत्सवाचे भव्य आयोजन मोठ्या उत्साहात पार पडले. हे धार्मिक सोहळा नेमीनाथ भगवान आदिनाथ दिगंबर जैन मंदिर संस्थानच्या वतीने साजरे करण्यात आले. प्रत्येक वर्षासारखेच, यंदाही भगवान नेमिनाथ यांची श्रीमंतीत विराजमान केलेली प्रतिमा विशाल रथावर नेण्यात आली. या ऐतिहासिक आणि पवित्र कार्यक्रमाचा मान विजय कृष्णाजी जैन यांना प्राप्त झाला, तर रथाची पटद्वार उद्घाटनाचा मान मधुकर हरि जैन व कमल प्रभाकर कस्तुरे यांना मिळाला. प्रमुख मान्यवरांच्या उपस्थितीत धार्मिक आणि सामाजिक ऐक्याचा संदेश नगरभर पसरविण्यात आला.
कार्यक्रमात नशिराबाद नगरपरिषदेचे मुख्याधिकारी रवींद्र सोनवणे, नशिराबाद पोलीस स्टेशनचे एपीआय आसाराम मनोरे, लेखाधिकारी दौलतजी गुट्टे, पाणीपुरवठा अभियंता अतुल चौधरी, माजी जिल्हा परिषद उपाध्यक्ष लालचंद पाटील, नशिराबाद शिक्षण प्रसारक मंडळाचे कार्याध्यक्ष योगेश पाटील, मा. सरपंच पंकज महाजन आदी मान्यवर विशेष उपस्थित होते.
जैन समाजाचे भव्य संमेलन व लेझीम कार्यक्रमाचे विशेष आकर्षण…
श्री १००८ भगवान नेमिनाथ यांच्या रथयात्रेत पंचक्रोशीतील जैन समाजाने मोठ्या संख्येने सहभाग घेतला. सम्यकवर्धिनी महिला मंडळाचे लेझीम पथक सर्वांच्या मन मोहून गेले. रथाला मोगरी लावण्याची प्राचीन परंपरा वारसांप्रमाणे सुरू ठेवण्यात आली. यंदा झिपरू मिस्तरी, एकनाथ झिपरू मिस्तरी आणि प्रशांत एकनाथ मिस्तरी यांच्या हस्ते मोगरी लावण्यात आली.
श्री नेमिनाथ भगवान यांच्या प्रथम जलाभिषेकाची बोली… गिरिश रमेश आबेकर (भुसावल), चतुर्थ कलशाची बोली जतिन किरण सैतवाल यांनी दिली. तसेच सौ मंगला दिनेश जैन व सौ अश्विनी किरण जैन यांच्या हस्ते शांतीधराचे पूजन व आरती समारंभ पार पडले. भाविक मंगेश जैन आणि समस्त अवतारे परिवार यांनी विशेष भक्तिभाव दर्शविला.
मंदिर जिर्णोध्दाराच्या अद्वितीय उपक्रमास आचार्य भगवंत विद्यासागरजी महाराज व मुनीश्री अक्षयसागरजी महाराज यांचे आशीर्वाद…
या पवित्र मंदिराचा जिर्णोध्दार संत शिरोमणी आचार्य भगवंत विद्यासागरजी महाराज यांच्या आशीर्वाद व परमपूज्य मुनीश्री अक्षयसागरजी महाराज यांच्या प्रेरणेने लाल पाषाणात अत्याधुनिक व कलात्मक पद्धतीने सुरु करण्यात आला आहे. मंदिर जिर्णोध्दार समितीने ग्रामस्थांना व समाजसंगठनांना सहकार्य करण्याचे आवाहन केले असून, या ऐतिहासिक कामासाठी आर्थिक मदतीची मागणीही करण्यात आली आहे.
रथ महोत्सव समितीच्या संयोजनाखाली यशस्वी आयोजन…
कार्यक्रम यशस्वी पार पडण्यासाठी रथ महोत्सव समितीचे अध्यक्ष श्री किरण जैन, उपाध्यक्ष परेश जैन, सचिव गुणवंत जैन यांचे विशेष नेतृत्व लाभले. तर संस्थानचे कार्यकारी अध्यक्ष दिनेश जैन, उपाध्यक्ष मंगेश जैन, सचिव महावीर जैन, तसेच सदस्य प्रकाश जैन, विजय जैन, भूषण जैन, वर्धमान जैन, महेश जैन आणि सकल जैन समाज, नवयुवक मंडळ व सम्यकवर्धिनी महिला मंडळ यांच्या सक्रिय सहभागामुळे उत्सवाची भव्यता व भक्तिमयता अधोरेखित झाली.
