नागपूर (अंजनी) | प्रतिनिधी | पोलिस दक्षता लाईव्ह :- पुणे ‘वंदे भारत’ एक्स्प्रेसचे भुसावळ स्टेशन येथे भव्य स्वागत करण्यात आले. पंतप्रधान नरेंद्र मोदी यांनी नवीन ३ “वंदे भारत” एक्स्प्रेस गाड्यांना बंगळूर (कर्नाटक) येथे आयोजित कार्यक्रमातून हिरवा झेंडा दाखवून रवाना केले. कार्यक्रमाचे भुसावळ स्टेशन येथे आयोजन करण्यात आले होते. केंद्रीय राज्यमंत्री रक्षा खडसे ,मंत्री गिरीष महाजन, मंत्री शिवेंद्रराजे भोसले, मंत्री संजय सावकारे , यांच्यासह अनेक मान्यवर उपस्थित होते. त्यांनी नागपूर (अंजनी)-पुणे ‘वंदे भारत’ एक्स्प्रेस चे स्वागत केले. तसेच हिरवा झेंडा दाखवून गाडीस पुणेकडे रवाना केले.
मुंबई – नागपूर किंवा पुणे – नागपूर दरम्यान वंदे भारत एक्स्प्रेस सुरू करण्यावर अनेक दिवसांपासून जिल्ह्यातील प्रवाशांची मागणी होती, त्यानुसार रेल्वे मंत्री यांची भेट घेऊन तसेच पत्र व्यवहार करून अनेकवेळा मागणी केली होती. आता या मागणीस यश आले. आता पुणे – नागपूर (अजनी) मार्गावर आठवड्यातून ६ दिवस वंदे भारत एक्स्प्रेस धावणार आहे.
वंदे भारत एक्स्प्रेस मुळे अवघ्या १२ तासांत पुणे ते नागपूर चा प्रवास होणार आहे. ही गाडी या मार्गावरील सर्वांत वेगवान रेल्वे ठरणार आहे. सध्या पुणे-नागपूर मार्गावर हावडा-दुरांतो एक्स्प्रेस ही सर्वांत जलद रेल्वे आहे. पुणे ते नागपूर अंतर कापण्यासाठी दुरांतोला १२ तास ५५ मिनीटे वेळ लागतो. ‘वंदे भारत’ ला त्याहून एक तास कमी वेळ लागणार आहे.
याप्रसंगी माझ्यासह मंत्री गिरीष महाजन, मंत्री शिवेंद्रराजे भोसले, मंत्री संजय सावकारे, जिल्हाधिकारी आयुष प्रसाद, जिल्हा परिषद मुख्य कार्यकारी अधिकारी मिनल करणवाल, मंडळ रेल्वे व्यवस्थापक पुनित अग्रवाल तसेच महायुती पदाधिकारी व कार्यकर्ते उपस्थित होते.
