जळगाव/प्रतिनिधी/पोलीस दक्षता लाईव्ह टीम:- गेल्या 15 दिवसाच्या कालावधीत जळगाव ते भादली तसेच म्हसावद या परिसरात रेल्वे कटिंग व ट्रेनच्या डब्यातून पडून मृत्यू ओढवल्याच्या घटना घडल्या आहेत.जळगाव ते शिरसोली रेल्वेरूळच्या अप लाईनवर एक अनोळखी तरूणाचा धावत्या रेल्वेतून पडल्याने मृत्यू झाल्याची दुदैवी घटना रविवारी १९ नोव्हेंबर रोजी सकाळी ८ वाजून १० मिनीटांनी घडली आहे. त्या मयताच्या खिशात कल्याण ते निजामुद्दीन असे रेल्वे तिकीट आढळले आहे.याप्रकरणी जळगाव तालुका पोलीस ठाण्यात अकस्मात मृत्यूची नोंद करण्यात आली आहे. पोलिसांनी मयताची ओळख पटविण्याचे आवाहन केले आहे.
याबाबत अधिक माहिती अशी की, जळगाव ते शिरसोली रेल्वे रूळच्या अप लाईनवरील खंबा क्रमांक ४१३ च्या २ ते ४ जवळ धावत्या रेल्वेतून एक अनोळखी तरूणाचा पडल्याने दुदैवी मृत्यू झाल्याची घटना रविवारी १९ नोव्हेंबर रोजी सकाळी ८ वाजून १० मिनीटांनी घडली .या घटनेची माहिती मिळाल्यानंतर जळगाव तालुका पोलिसांनी घटनास्थळी धाव घेवून मृतदेहाचा पंचनामा केला. त्यानंतर मृतदेह जिल्हा शासकीय वैद्यकीय महाविद्यालयात रवाना करण्यात आला आहे.
याप्रकरणी जळगाव तालुका पोलीस ठाण्यात अकस्मात मृत्यूची नोंद करण्यात आली आहे. दरम्यान जळगाव तालुका पोलिसांनी मयत अनोळखी तरूणाची ओळख पटविण्याचे आवाहन केले आहे. या घटनेचा पुढील तपास पोलीस हेड कॉन्स्टेबल अनिल मोरे करीत आहेत.
