जळगाव | प्रतिनिधी | पोलिस दक्षता लाईव्ह :- जळगाव शहर महानगरपालिका व उत्कर्ष ग्लोबल फाउंडेशन यांच्या वतीने जळगाव शहरात श्वान निर्बिजीकरण केंद्राचे उद्घाटन आमदार राजू मामा भोळे यांच्या हस्ते करण्यात आले.
जळगाव शहरात मोकाट कुत्र्यांनी उच्छाद मांडला आहे. मोकाट कुत्र्यांवर नियंत्रण मिळवण्यासाठी महानगरपालिकेच्या वतीने कुत्र्यांच्या निर्बीजीकारणासाठी निविदा काढली होती. या निविदेला उत्कर्ष ग्लोबल फाउंडेशन ( प्राणी कल्याण मोहीम) या संस्थेने सकारात्मकता दर्शवल्याने जळगाव शहरातील मोकाट कुत्र्यांवर नियंत्रण मिळवण्यासाठी पुढाकार घेतला आहे. या अनुषंगाने जळगाव शहर महानगरपालिका व उत्कर्ष ग्लोबल फाउंडेशनच्या वतीने जुने टी. बी. हॉस्पिटल मेहरूण रोड परिसरात श्वान निर्बिजीकरण केंद्र उभारले आहे. या केंद्राचे उद्घाटन प्रसंगी महापालिकेचे आयुक्त ज्ञानेश्वर ढेरे तसेच उत्कर्ष ग्लोबल फाउंडेशनचे संस्थापक अध्यक्ष एडवोकेट दगडू लोंढे यांच्या उपस्थितीत करण्यात आले.
