भुसावळ/पोलीस दक्षता लाईव्ह टीम:- दिनांक ३० रोजी रात्री साडेआठ वाजेच्या दरम्यान भुसावळ शहरातील गंगाराम प्लॉट येथील तरुणांवर विळ्याने हल्ला केल्याची घटना घडली असून रात्री उशिरापर्यंत बाजारपेठ पोलीस स्टेशनला गुन्हा दाखल करण्याचे काम सुरू होते.
याबाबत सविस्तर वृत्त असे की, सदरील फिर्यादीच्या आईस त्यांच्या राहत्या घरासमोर येऊन संशयितांने शिवीगाळ केली होती. याबाबत गौरव नाले याला ही गोष्ट माहीत झाल्यावर गौरव नाले याने संशयित प्रशांत चौधरी यास शिवीगाळ का केली? या बाबत विचारणा केली असता संशयित आरोपी प्रशांत चौधरी हा रागा रागाने त्याच्या घरात गेला. व घरात जाऊन विळा आणला आणि फिर्यादीच्या पाठीवर विळ्याने एक वार करीत गौरव यास जखमी केले. गौरव सुनील नाले याने बाजारपेठ पोलीस स्टेशनला दिलेल्या फिर्यादीवरून गुन्हा दाखल करण्याची प्रक्रिया रात्री उशिरापर्यंत सुरू होती.
