अशोक जैन, रवींद्र नाईक, देबासीस दास, ए. टी. राजीव यांच्या हस्ते पदक वितरण
जळगाव | प्रतिनिधी | पोलीस दक्षता लाईव्ह :- सीआयएससीई सहाव्या राष्ट्रीय तायक्वांडो स्पर्धेत महाराष्ट्राच्या खेळाडूंनी झंझावाती कामगिरी करीत एकूण १९ पदके पटकावली. यामध्ये १० सुवर्ण, ४ रौप्य आणि ५ कांस्य पदकांचा समावेश असून महाराष्ट्राने राष्ट्रीय स्तरावर आपले वर्चस्व अधोरेखित केले. विशेष म्हणजे यजमान जळगावच्या अनुभूती स्कूलच्या तीन विद्यार्थीनींनी पदके मिळवत राज्याच्या यशात मोलाचा वाटा उचलला. विजेत्या खेळाडूंना जैन इरिगेशनचे अध्यक्ष अशोक जैन, जिल्हा क्रीडा अधिकारी रवींद्र नाईक, अनुभूती स्कूलचे प्राचार्य देबासीस दास व आंतरराष्ट्रीय पंच ए. टी. राजीव यांच्या हस्ते पदके प्रदान करण्यात आली.
स्पर्धेतील विशेष कामगिरी
१६ सप्टेंबर रोजी अनुभूती स्कूल येथे सुरू झालेल्या या स्पर्धेत १९, १७ व १४ वर्षांखालील गटातील ३०० हून अधिक खेळाडूंनी सहभाग नोंदविला.
१४ वर्षाखालील गटात महाराष्ट्राची दिशा मेहता सर्वोत्तम खेळाडू ठरली.
१७ वर्षाखालील गटात कर्नाटक-गोवाची पूर्विका एम. सर्वोत्तम खेळाडू ठरली.
१९ वर्षांखालील गटात उत्तर प्रदेशची दिवा गुप्ता सर्वोत्तम खेळाडू ठरली.
अनुभूती स्कूलच्या अलेफिया शाकीर हिला ६८ कि. वजन गटात कांस्य, समृद्धी कुकरेजा हिला ४९ कि. गटात कांस्य व पलक सुराणा हिला रौप्य पदक मिळाले.
गटनिहाय पदक विजेते
१७ वर्षाखालील ६८ कि. गट : सुवर्ण – खुशी एस. (कर्नाटक-गोवा), रौप्य – हिना कुमारी (बिहार-झारखंड), कांस्य – निया दोषी (महाराष्ट्र), स्वागतिका (ओडिशा)
६३ कि. गट : सुवर्ण – मंजिरी तळगावकर (महाराष्ट्र), रौप्य – अनिका (कर्नाटक-गोवा), तनिष्का शर्मा (उत्तरप्रदेश), कांस्य – समयाराणी (ओडिशा)
५२ कि. गट : सुवर्ण – विरती बेदमुथा (महाराष्ट्र), रौप्य – माहिका (उत्तर भारत), कांस्य – अनुष्का मुद्री, देवांगी चक्रवर्ती
४९ कि. गट : सुवर्ण – पूर्विका ए (कर्नाटक-गोवा), रौप्य – सर्वज्ञा (महाराष्ट्र), कांस्य – हर्षिका (आंध्र-तेलंगणा), अबिया वरुगेसी (नॉर्थवेस्ट)
४४ कि. गट : सुवर्ण – जया देसाई (नॉर्थवेस्ट), रौप्य – श्रेया गुप्ता (उत्तरप्रदेश), कांस्य – हिरा महस्त्रिया, दमंजोत कौर
३५ कि. गट : सुवर्ण – स्वस्तिका (महाराष्ट्र), रौप्य – आद्या शर्मा (उत्तरप्रदेश), कांस्य – अप्सरा परवीन (बिहार-झारखंड), ए. शहया (तमिळनाडू-पॉडेचेरी-अंदमान)
३२ कि. गट : सुवर्ण – मिठी राठी (उत्तरप्रदेश), रौप्य – क्रितीका (उत्तर भारत)
प्रशिक्षकांचा मोलाचा वाटा
स्पर्धेतील यशामागे जैन स्पोर्ट्स अकॅडमीचे प्रमुख अरविंद देशपांडे तसेच प्रशिक्षक अजित घारगे, जयेश बाविस्कर, महेश घारगे, रवींद्र धर्माधिकारी, प्रविण ठाकरे, समीर शेख, मोहम्मद फजल, सुयश बुरकूल, किशोर सिंग, वाल्मिक पाटील, सोनाली हटकर, घनश्याम चौधरी, उदय सोनवणे, राहुल निभोंरे, सैय्यद मोहसीन, अब्दुल मोसीन जब्बार, योगेश धोंगडे व दिपिका ठाकूर यांच्या मेहनतीचा मोठा वाटा आहे.
