मुंबई/कार्यकारी संपादक/तुषार वाघुळदे/पोलीस दक्षता लाईव्ह:- मुंबई, पुणे आणि कोंकण कृषी विद्यापीठाच्या कुलगुरूंची निवड करण्यात आली आहे, ही निवड राज्यपाल यांनी केली. डॉ.रवींद्र दत्तात्रय कुलकर्णी यांची मुंबई विद्यापीठाच्या कुलगुरुपदी नियुक्ती करण्यात आली आहे; तर डॉ.सुरेश वामनगीर गोसावी यांची सावित्रीबाई फुले पुणे विद्यापीठाच्या कुलगुरुपदी नियुक्ती करण्यात आली आहे. राज्यपाल तथा कुलपती रमेश बैस यांनी डॉ.रवींद्र कुलकर्णी व डॉ.सुरेश गोसावी यांच्या नियुक्तीची घोषणा केली. राज्यपालांनी डॉ.संजय घनश्याम भावे यांची डॉ. बाळासाहेब सावंत कोकण कृषी विद्यापीठाच्या कुलगुरूपदी नियुक्ती केली आहे. डॉ रवींद्र कुलकर्णी इन्स्टिट्यूट ऑफ केमिकल टेक्नॉलॉजी येथे वरिष्ठ प्राध्यापक आहेत तर डॉ सुरेश गोसावी सावित्रीबाई फुले पुणे विद्यापीठाच्या भौतिक शास्त्र विभागात वरिष्ठ प्राध्यापक आहेत. डॉ.संजय भावे हे डॉ. बाळासाहेब सावंत कोकण कृषी विद्यापीठ येथे ऍग्रिकल्चरल बॉटनी विभागाचे विभागप्रमुख आहेत.त्यांच्या निवडीबद्दल अनेकांनी अभिनंदन केले आहे.
मुंबई विद्यापीठाचे कुलगुरू डॉ. कुलकर्णी ; डॉ. गोसावी यांची सावित्रीबाई फुले पुणे विद्यापीठ तर डॉ.भावे यांची कोंकण कृषी विद्यापीठाच्या कुलगुरुपदी नियुक्ती
