मुंबई/ विशेष प्रतिनिधी/ आज १५ जून म्हणजेच “जागतिक वृद्ध अत्याचार जागरूकता दिवस” या दिवसाचे औचित्य साधून “हेल्पएज इंडिया फाउंडेशन” यांनी वृद्ध महिलांच्या अडचणी व त्यांच्यावर होणारया अत्याचारांवर एका शोधपत्राचे प्रकाशन केले. या कार्यक्रमासाठी मुंबई शहराच्या माजी महापौर मा. निर्मलाताई सामंत-प्रभावळकर, हेल्पएज इंडियाचे जॉईंट डायरेक्टर मा. व्हेलरीन पायस,महाराष्ट्र राज्य महिला आयोगाच्या सदस्या उत्कर्षा रुपवते, इतर मान्यवर, वृद्धमहिला व पुरुष सहकारी आणि माध्यमांचे प्रतिनिधी मोठ्या संख्येने उपस्थित होते. विशेषतः वृद्ध महिलांवर होणाऱ्या विविध प्रकारच्या अत्याचाराविषयी या शोधपत्राच्या अहवालामध्ये महत्त्वाची माहिती समोर आली आहे; धक्कादायक म्हणजे ६३% वृद्ध महिलांनी आपल्यावर कुठल्या-ना- कुठल्या प्रकारचा अत्याचार झाला आहे अशी कबुली दिली. समाज म्हणून आपल्या सर्वांची सामूहिक जबाबदारी आहे की ज्या पिढीने आपल्याला घडवलं…त्यांना संरक्षण, मानसन्मान आणि प्रेम आपण दिलेच पाहिजे.