जळगाव तालुका पोलिस यांचे ओळख पटविण्याचे आवाहन…
जळगाव/पोलीस दक्षता लाईव्ह टीम:- जळगाव ते शिरसोली रेल्वेलाईनच्या डाऊन रेल्वेरूळावर एका अनोळखी ३५ ते ४० वर्षीय महिलेचा मृतदेह आढळून आल्याची घटना रविवारी १ ऑक्टोबर रोजी सकाळी ९ वाजून २० मिनिटांच्या सुमारास उघडकीला आली आहे. याप्रकरणी जळगाव तालुका पोलीस ठाण्यात अकस्मात मृत्यूची नोंद करण्यात आली आहे. महिलेने पिवळ्या रंगाची साडी, त्यावर हिरव्या,गुलाबी व निळ्या रंगांची डिझाईन ,लाल रंगाचे ब्लाउज , केशरी रंगाचा परकर असे वर्णन असलेली ती महिला आहे.शरीरयष्टी सुदृढ आहे.रंगाने गोरी , चेहरा गोल असून उंची अंदाजे ५ फूट आहे.
याबाबत अधिक माहिती अशी की, जळगाव ते शिरसोली दरम्यानच्या डाऊन रेल्वेलाईनवरील वाघनगर समोर रेल्वे खांबा क्रमांक ४१५ च्या ७ ते ९ वाजेच्या दरम्यान एका ३५ ते ४० वर्षीय महिलेचा मृतदेह आढळून आल्याची घटना रविवारी १ ऑक्टोबर रोजी सकाळी ९ वाजून २० मिनीटांनी समोर आली. दरम्यान, या घटनेची माहिती लोको पायलट शिवनाथ जागीर यांनी जळगाव रेल्वेस्टेशनचे उपस्टेशन प्रबंधक एस.बी.सनस यांना देण्यात आली. त्यानुसार त्यांनी जळगाव तालुका पोलिसांना कळविण्यात आले. काही वेळात पोलीस ठाण्याचे पोलीस हेड कॉन्स्टेबल अनिल मोरे, पोलीस हेड कॉन्स्टेबल अनिलजी फेगडे, पोलीस कॉन्स्टेबल भूषण सपकाळे यांनी घटनास्थळी धाव घेवून पंचनामा केला आणि मृतदेह जिल्हा शासकीय वैद्यकीय महाविद्यालयात दाखल करण्यात आला. याबाबत जळगाव तालुका पोलीस ठाण्यात अकस्मात मृत्यूची नोंद करण्यात आली आहे. मयत महिलेची ओळख पटविण्याचे आवाहन जळगाव तालुका पोलिसांनी केले आहे.
संपर्क हेड पोलीस कॉन्स्टेबल अनिल फेगडे, मो. क्र (9823383783) यावर साधावा.पुढील तपास पोलीस हेड कॉन्स्टेबल अनिल मोरे करत आहेत.
