राहुलदादांच्या हॅटट्रिक साठी युवकांची सुप्त टीम ॲक्टिव्ह – युवा मोर्चा अध्यक्ष विशाल ललवाणी

चांदवड/ प्रतिनिधी/ पोलीस दक्षता लाईव्ह :- चांदवड तसेच देवळा येथील युवकांच्या प्रश्नांना दादांनी नेहमीच समजून घेऊन शासनाकडे पाठपुरावा केला आहे.जसे की स्पर्धा परीक्षा तयारी करणाऱ्या तरुणांच्या प्रश्नांबाबत तत्कालीन मुख्यमंत्र्यांकडे पाठपुरावा व पत्रव्यवहार राहुल आहेर यांनी केला होता. तरुणांच्या सामाजिक प्रश्न अधिकाऱ्यांकडे मांडून पाठपुरावा करणे,पोलीस भरती व इतर आर्मी, नेव्ही भरतीसाठी मुंबईला जाणाऱ्या मुलांना स्वतच्या आमदार निवास रूम मध्ये निवासाची सोय उपलब्ध करून देण्याचे काम दादांनी नेहमीच केले.कोणत्याही प्रकारच्या वैद्यकीय मदतीसाठी कायम दादांचे तरुणांना नेहमीच सहकार्य असते, त्यामुळे चांदवड शहरात सुद्धा दादांचा युवा वर्गाकडून जोरदार प्रचार सुरू असल्याची माहिती भाजप युवा मोर्चा अध्यक्ष विशाल ललवाणी यांनी दिली.