जळगाव/प्रतिनिधी/पोलीस दक्षता लाईव्ह:- अमळनेरचे माजी आमदार शिरीष चौधरी यांच्या वाहनाचा आज सकाळच्या सुमारास अपघात झाला असल्याची धक्कादायक घटना समोर आली आहे. सारंगपूर येथील कष्टभंजन हनुमानजी यांचे दर्शन घेऊन परतत असताना बडोदा परिसरातील वडाला चौफुलीजवळ त्यांच्या गाडीचा अपघात झाला.अपघातात कोणतीही जीवितहानी झाली नसली, तरी वाहनाचे मोठे नुकसान झाले आहे. गाडीत प्रवास करत असलेले शिरीष चौधरी यांच्यासह इतर सहकारी सुखरूप असून, काहींना किरकोळ जखमा व फॅक्चर झाल्याचे वृत्त आहे.
घटनेचे संपूर्ण वर्णन :
माजी आमदार शिरीष चौधरी आपल्या सहकाऱ्यांसोबत खासगी वाहनाने यात्रा करत होते. सकाळी १० वाजण्याच्या सुमारास, अमळनेरजवळील वडाला चौफुलीजवळ त्यांचे वाहन अनियंत्रित होऊन रस्त्याच्या कडेला झाडावर आदळले, अशी माहिती प्रत्यक्षदर्शींनी दिली. वाहनाच्या पुढील भागाचे मोठे नुकसान झाले आहे. अपघात झाल्यानंतर परिसरात काही काळापर्यंत घटनास्थळी गर्दी झाली होती.
स्थानिकांनी दाखवली तत्परता :
अपघाताच्या क्षणी स्थानिक नागरिकांनी तातडीने मदतीचा हात पुढे करत, गाडीत अडकलेल्यांना बाहेर काढले आणि जखमींना त्वरित नजीकच्या रुग्णालयात हलवले. डॉक्टरांनी दिलेल्या प्राथमिक माहितीनुसार, चौधरी यांच्या प्रकृतीत कोणताही गंभीर बिघाड नाही. त्यांना निरीक्षणाखाली ठेवण्यात आले असून प्रकृती सध्या स्थिर आहे.त्यांना किरकोळ मुक्कामार लागला आहे ,असे सूत्रांकडून समजले.
समर्थकांतून दिलासा आणि चिंता व्यक्त :
घटनेची माहिती मिळताच श्री. चौधरी यांचे समर्थक व पक्षाचे कार्यकर्ते रुग्णालयात पोहोचले. अनेकांनी त्यांच्या प्रकृतीची चौकशी केली. या घटनेमुळे काही काळासाठी कार्यकर्त्यांमध्ये चिंता पसरली होती, मात्र जीवितहानी टळल्यामुळे सर्वांनी दिलासा व्यक्त केला.
पोलीस तपास सुरू :
घटनेची माहिती मिळताच स्थानिक पोलीस घटनास्थळी दाखल झाले. अपघाताचे नेमके कारण शोधण्यासाठी तपास सुरू केला आहे. हा अपघात एक गंभीर इशारा आहे की, प्रवासादरम्यान काळजी घेणे किती महत्त्वाचे आहे. सुदैवाने मोठी दुर्घटना टळली आहे..
