सोलापूर /जिल्हा प्रतिनिधी/पोलीस दक्षता लाईव्ह:- सोलापूर येथील बहुजन शिक्षक व कर्मचारी सहकारी पतसंस्थेची २०२३ ते २०२८ या पंचवार्षिक कालावधीसाठी संचालक मंडळाची निवडणूक जिल्हा सहकारी निवडणूक अधिकारी तथा जिल्हा उपनिबंधक सहकारी संस्था सोलापूर यांच्यामार्फत नुकतीच पार पडली.
निवडणूक निर्णय अधिकारी डॉ.प्र.अ. बागल यांनी संचालकाच्या ११ जागांसाठी अकरा अर्ज आल्याने निवडणूक बिनविरोध झाल्याचे जाहीर केले.पदाधिकारी निवडीची सभा निवडणूक निर्णय अधिकारी डी.पी.सुरवसे यांच्या अध्यक्षतेखाली झाली. यामध्ये नूतन अध्यक्षपदी प्राचार्य बोधिप्रकाश गायकवाड, मानद सचिवपदी अण्णासाहेब भालशंकर, उपाध्यक्षपदी युवराज भोसले, खजिनदारपदी रवी देवकर यांची निवड झाली. यावेळी नूतन संचालक बाळासाहेब डोळसे, प्रफुल्ल जानराव, मिलिंद भालशंकर, प्रभावती भडकुंबे, मंजुश्री खंडागळे, कल्याणराव गजबार, प्रतिभा गायकवाड, हारूण तांबोळी आदी उपस्थित होते. पतसंस्थेची निवडणूक बिनविरोध करण्यासाठी पतसंस्थेचे संस्थापक अध्यक्ष समाजभूषण अण्णासाहेब भालशंकर यांच्या नेतृत्वाखाली संचालक मंडळ आणि सभासदांची बैठक झाली. या बैठकीत बिनविरोधासाठी सभासदांना आवाहन करण्यात आले होते. यावेळी नूतन अध्यक्ष गायकवाड मनोगत व्यक्त करताना म्हणाले की, निवडणुकीमुळे पतसंस्थेचा होणारा खर्च टाळण्यासाठी सभासदांनी सकारात्मक प्रतिसाद दिला याबद्दल सर्व पदाधिकारी तसेच सभासदांचे आभार मानले. पतसंस्थेची निवडणूक बिनविरोध होण्यासाठी मल्लिकार्जुन कांबळे, श्रीमती मीना सन्मुख, संघपाल कांबळे, प्रकाश शिंदे यांचे सहकार्य लाभले.
